Hindi Lyrics Of Chhupa Le Daag E Jigar ... Ai Dard E Jigar Fariyaad Na Kar

Chhupa Le Daag E Jigar Daag E Dil Zamaane Se
Ki Dard Aur Badhega Inhein Dikhaane Se

Ai Dard E Jigar, Fariyaad Na Kar
Bahate Hain To Aansu Bahane De
Saahil Ki Tamanna Karata Ja
Manjhadhaar Mein Kashti Rahane De

Hamako To Zamaane Se Apana
Dukh Dard Chhupaae Rahana Hai
Ho Jaae Na Apani Rusawaai
Har Zulm Ko Hans Kar Sahane De

Dil Saunp Chuke Hain Ham Jin Ko
Ab Unase Shikawa Kya Karana
Jis Haal Mein Rakhana Chaahein Wo
Us Haal Mein Ham Ko Rahane De