Hindi Lyrics Of Geet Gaata Chal

Geet Gaata Chal O Saathi Gungunaata Chal
O Bandhu Re
Hanste Hansate Beete Har Ghadi Har Pal
Geet Gaata Chal...

Khula Khula Gagan Yeh Hari Bhari Dharti
Jitna Bhi Dekho Tabiyat Nahin Bharti
Sunder Se Sunder Har Ek Rachna
Phool Kahen Kaanton Mein Bhi Seekho Hansna
O Raahi Re
Kumhala Na Jaye Kahin Man Tera Komal
Geet Gaata Chal...

Chandi Sa Chamakta Yeh Nadiya Ka Pani
Pani Ki Har Ek Boond Deti Zindagani
Ambar Se Barse Zameen Se Mile
Neer Ke Bina To Bhaiya Kaam Na Chale
O Megha Re
Jal Jo Na Hota To Yeh Jag Jaata Jal
Geet Gaata Chal...

Kahan Se Tu Aaya Aur Kahan Tujhe Jaana Hai
Khush Hai Wahi Jo Is Baat Se Begaana Hai
Chal Chal Chalti Hawayen Karen Shor
Udte Pakheru Kheenche Manva Ki Dor
O Panchhi Re
Panchhiyon Ke Pankh Le Ke Ho Ja Tu Ojhal
Geet Gaata Chal...